Qyzylorda oblysynda kólik qaqqan 2 adam oqıǵa ornynda mert boldy
QYZYLORDA. QazAqparat - Qyzylorda oblysy Jańaqorǵan aýdanyna qarasty Tómenaryq eldi eldi mekeninde kólik qaqqan eki adam oqıǵa ornynda mert bolyp, bireýi medıtsınalyq mekemege jetkizildi, dep habarlaıdy QazAqparat tilshisi.
Bul oqıǵa «Jańaqorǵan-Tómenaryq» tasjolynda oryn alǵan. Tómenaryq aýylynyń turǵyny óziniń «Renault Logan» markaly avtokóligimen abaısyzda jol ústinde ketip bara jatqan jaıaý júrginshilerdi qaǵyp ketti. Saldarynan eki jaıaý júrginshi oqıǵa ornynda kóz jumdy, úshinshi jaıaý júrginshi medıtsınalyq mekemege jetkizildi.
«Qazirgi tańda avtokólik júrgizýshisi qamaýǵa alyndy. Tıisti sot saraptamalary taǵaıyndaldy. Atalǵan derek boıynsha QR Qylmystyq kodeksiniń 345-baby 4-bóligimen sotqa deıingi tergep-tekserý jumystary júrip jatyr. Onda kólik quraldaryn basqaratyn adamnyń jol júrý qaǵıdalaryn buzyp, abaısyzda eki adamnyń ólimine ákep soǵý jaǵdaıy kórsetilgen», - dep málim etti Qyzylorda oblysy polıtsııa departamentiniń baspasóz qyzmeti.
Budan buryn Jańaqorǵanda kólik qaqqan jaıaý júrginshi kóz jumǵan edi.
