Qyzylorda oblysynda kóligi balshyqqa batyp qalǵan frantsııalyq jıhankezder qutqaryldy
2 tamyzda saǵat 20.12-de tótenshe jaǵdaılar qyzmetine habarlama tústi. Onda Aral aýdanynyń Qamystybas eldi mekeniniń tusynda Frantsııa azamattarynyń jeke avtokóligi balshyqqa batyp qalǵany aıtylǵan.
«Oqıǵa ornyna Jedel qutqarý jasaǵy attanyp, mán-jaıdy anyqtady. Qamystybas eldi mekeninen eki shaqyrym jerde Frantsııadan kelgen er azamat pen áıel kisi ózderiniń jekemenshik «IVECO» markaly mıkroavtobýsymen balshyqqa batyp qalǵan. Olar týrıstik maqsatpen el aralap júrgen eken. Qutqarýshylar avtokólikti balshyqtan shyǵaryp berdi. Jolaýshylar aman-esen, medıtsınalyq kómekti qajet etken joq», - dep málim etti Qyzylorda oblystyq tótenshe jaǵdaılar departamentinen.
Eske salsaq, budan buryn Qyzylorda oblysynda qoı baǵyp júrgen azamat kanalǵa batyp ketkenin jazǵan edik.
