Qyzylorda oblysynda kóktaıǵaq saldarynan 43 jol-kólik oqıǵasy tirkeldi

QYZYLORDA. QazAqparat - Qyzylorda oblysynda joldaǵy kóktaıǵaq saldarynan sońǵy eki kúnde 43 jol-kólik oqıǵasy tirkelgen, dep habarlaıdy QazAqparat tilshisi.

Jol apatynan 3 adam qaza taýyp, 10-y dene jaraqatyn alǵan. Sondyqtan polıtseıler jolda abaı bolýǵa shaqyrdy.

«Avtokólik joldarynyń kóktaıǵaq aýmaqtary boıynsha polıtseıler «QazAvtoJol» mekemesi qyzmetkerlerimen birge jedel tekserilýde. Sol arqyly kólik quraldarynyń qaýipsizdik qozǵalysy qamtamasyz etilýde. Respýblıkalyq mańyzy bar joldardaǵy qaýipti aımaqtarǵa patrýldik polıtsııa beketteri qoıyldy. Jol boıynda arnaıy 9 avtokólik jumyldyrylyp, arnaıy materıaldar sebý jumystary júrgizildi. Turǵyndardan saqtyq sharalaryna nazar aýdarýdy suraımyz», - deıdi Qyzylorda oblystyq polıtsııa departamenti bastyǵynyń birinshi orynbasary Shamshıdın Ámıtov.

Sondaı-aq, «Qyzylorda-Jalaǵash» jolynda eki kólik soǵylyp, bir jolaýshy kóz jumdy .