Qyzylorda oblysynda kıik atqan qos ańshynyń bas bostandyǵy shekteldi
QYZYLORDA. QazAqparat - Qazaqstanda aýlaýǵa tyıym salynǵan kıik janýaryn oqqa baılap, memleketke 14 mln teńgeden astam zııan keltirgen qarmaqshylyq 2 azamattyń 3 jyl 6 aıǵa bas bostandyǵy shekteldi, dep habarlaıdy QazAqparat tilshisi.
Olardyń ústinen Qazaqstan Respýblıkasy Qylmystyq kodeksiniń 337-baby 4-bóliginiń 2-shi jáne 4-tarmaqtarymen is qozǵalǵan.
«Sottalýshylar elimizde aýlaýǵa tyıym salynǵan 3 kıik janýaryn atyp alǵan. Olardy tintý barysynda 12-shi kalıbrli ańshy myltyǵy men 3 bas kıik janýary tárkilendi. Sonyń saldarynan olar memleketke jalpy quny 14 mln teńgeden astam zalal keltirgen», - deıdi Qarmaqshy aýdandyq sotynyń tóraǵasy Darhan Kentbaev.
Sottalýshylar 3 jyl merzimge ańshylyq qyzmetpen aınalysý quqyǵynan aıyrylyp, olardyń bas bostandyǵy shekteldi.
Ádilet Qańtarbaev
