Qyzylorda oblysynda QHA jylyna arnalǵan oblystyq jas aqyndar músháırasy ótti

QYZYLORDA. QazAqparat - Oblystyq tilderdi oqytýdyń óńirlik ortalyǵynyń uıymdastyrýymen Qazaqstan halqy Assambleıasy jylyna oraı jáne memlekettik tildiń mártebesin kóterý, Qazaqstan halqy arasyndaǵy tatýlyq pen dostyqty nasıhattaý, jas urpaqty ádebı sheberlikke baýlý, daryndy jastardyń shyǵarmashylyǵyn damytý maqsatynda «Dostyq. Birlik. Bereke» atty oblystyq jas aqyndar músháırasy ótti.

Baıqaýǵa Aral, Qazaly, Jalaǵash, Syrdarııa, Jańaqorǵan aýdandary men joǵary jáne arnaýly oqý oryndarynan 14-25 jas aralyǵyndaǵy 27 talapker qatysty.

Jas aqyndar baıqaý erejesine sáıkes elimizdegi ulttar arasyndaǵy tatýlyq pen birlikti nasıhattaýǵa arnalǵan óleńderin oqydy.

Baıqaýǵa oblystyq, respýblıkalyq músháıralarǵa qatysyp, jeńimpaz atanyp júrgen, ózindik orny qalyptasa bastaǵan jas aqyndarymyz ben óner salasyna betburys jasap, endi ǵana aqyndyq qabiletterin damytyp kele jatqan jastarymyz qatysty.

Músháıraǵa qatysýshylardy ádil qazylar 2 topqa bólip baǵalady.

1-top boıynsha:

І orynǵa Táńirbergenov Ulyqbek (Qyzylorda oblysynyń jastar saıasaty máseleleri basqarmasy «Jastardy qoldaý ortalyǵy» MKM Baıqońyr qalalyq bóliminiń meńgerýshisi), ІІ orynǵa Erjigit Bekjan (Qorqyt ata atyndaǵy Qyzylorda memlekettik ýnıversıtetiniń stýdenti), ІІІ orynǵa Júzeev Serikhan (Qorqyt ata atyndaǵy Qyzylorda memlekettik ýnıversıtetiniń stýdenti) ıe boldy.

Yntalandyrý syılyǵyna Qorqyt ata atyndaǵy Qyzylorda memlekettik ýnıversıtetiniń stýdenti Daýylbaı Maqsat laıyqty dep tanyldy.

2-top boıynsha:

І orynǵa Ýálıev Danııar («Bolashaq» ýnıversıtetiniń stýdenti), ІІ orynǵa Ábdilda Eljas (Qorqyt ata atyndaǵy Qyzylorda memlekettik ýnıversıtetiniń stýdenti), ІІІ orynǵa Bókebaı Dına (Qazaly aýdany, №25 mekteptiń 9-synyp oqýshysy) ıe boldy.

Yntalandyrý syılyǵyna Aral aýdany, №220 orta mekteptiń 9-synyp oqýshysy Núkishova Gúlsaıran laıyqty dep tanyldy.

Baıqaý jeńimpazdary dıplomdarmen, eskertkish syılyqtarmen jáne alǵys hattarmen marapattaldy.