Qyzylorda oblysynda kenege qarsy kúres júrýde
QYZYLORDA. QazAqparat - Búgin Qyzylorda oblysynyń BAQ ókilderine Kongo-Qyrym qandy bezgeginiń aldyn alý baǵytynda júrgizilip jatqan jumystar kórsetildi, dep habarlady QazAqparat.
Óńirlik kommýnıkatsııalar qyzmeti uıymdastyrǵan baspasóz-týry barysynda jýrnalıster Jalaǵash aýdany Aqsý aýylyndaǵy qaýipti kenege qarsy zalalsyzdandyrý jumystarymen tanysty.
Oblystyq qoǵamdyq densaýlyq saqtaý departamentiniń resmı málimetine sáıkes, 2017 jyldyń epıdmaýsymynda óńirde qozdyrǵyshtary taralǵan qolaısyz aımaq retinde 117 eldi meken anyqtalǵan.
Jalpy aýdan boıynsha kóktemgi kenege qarsy dárileý jumystary 10 eldi mekende júrgizilýde.
Búgingi kúnge zalalsyzdandyrýdyń birinshi aınalymy tolyq aıaqtalyp, ekinshi legi bastalýda.
Jalpy kólemi 297 111 sharshy metrdi quraıtyn 3 550 qora, 46 591 mal zalalsyzdandyrylady.
