Qyzylorda oblysynda kene shaǵý deregi ótken jyldan 4 esege artqan
Oblys Kongo-Qyrym gemorragııalyq qyzbasynyń tabıǵı oshaǵynda ornalasqan. Aımaqta atalǵan ınfektsııanyń qozdyrǵyshyn tasymaldaıtyn ıksodty kenelerdiń 16 túri mekendeıdi.
«Bıyl kene shaǵý deregi ótken jylmen salystyrǵanda 4 esege artqan. Byltyr ol 238 adamdy qurasa, bıyl 964 derekti qurap otyr. Sonymen qatar kenelerdiń arasynda aýrý qozdyrǵyshynyń anyqtalýy da joǵary. Byltyr oblys boıynsha 113 eldi meken qolaısyz aımaqtar qataryna qosylǵan, bıyl olardyń sany 116-ǵa jetti», - dedi Qyzylorda oblystyq sanıtarııalyq-epıdemıologııalyq baqylaý deparatmentiniń baspasóz hatshysy Aıman Janahaeva.
Kenege qarsy zalalsyzdandyrý jumystarynyń kóktemgi kezeńi 11 sáýir men 14 maýsym aralyǵynda júrgizildi. Qolaısyz eldi mekenderdegi sanıtarııalyq qorǵanys aımaqtary, qora jaılar, býferlik aımaqtar kenege qarsy túgel zalalsyzdandyryldy. Óńdeý tıimdiligi 98 paıyzdy qurady. Kúzgi kezeńi 19 tamyzda bastaldy, ol 25 qazanǵa deıin júrgiziledi.
«Kongo-Qyrym gemorragııalyq qyzbasyna 43 kúdikti jaǵdaı tirkeldi. Olardyń 15-i zerthanalyq jolmen rastaldy. Basym kópshiligi 30 jastan asqan adamdar arasynda anyqtaldy. Atalǵan dertten 4 adam kóz jumdy» - dep atap ótti vedomstvodan.
Eske salsaq, budan buryn Qyzylordadaǵy medıtsına mekemelerinen 6 qylmystyq quqyq buzýshylyq anyqtaldy .
