Qyzylorda oblysynda kelesi jyly poshtany drondar tasymaldaıdy

QYZYLORDA. QazAqparat - Qyzylorda oblysy keler jyldan bastap poshta qyzmetine drondardy paıdalanýdy josparlap otyr. Bul týraly Óńirlik kommýnıkatsııalar qyzmetiniń aqparattyq alańynda «Qazposhta» AQ Qyzylorda fılıalynyń dırektory Aıda Ábıbýllaeva málimdedi, dep habarlaıdy Qyzylorda oblysynyń ákimdigi.

Atalǵan dronmen tez arada jetýi tıis qajetti zattardy alys-shalǵaı jerlerge jetkizý josparlanyp otyr.

«Búginde Qaraǵandy, Astana, Almaty oblystary bul drondar arqyly poshta sálemdemelerin jetkizýde. Dron 500 km qashyqtyqqa deıin ushady. Ol tek gazet-jýrnaldar ǵana emes sondaı-aq, salmaǵy 5 kılogrammǵa deıingi shaǵyn sálemdemelerdi de jetkizýge qabiletti. Hat-habardy avtokólikpen tasymaldaýǵa shamamen 4 saǵat ýaqyt jumsalsa, bul aralyqty dron bar-joǵy 40 mınýtta erkin eńseredi. Eń bastysy - únemdi ári qolaıly. Mundaı drondarǵa usynys berildi, 2019 jylǵa iske qosý josparlanyp otyr», - dedi A. Ábıbýllaeva.