Qyzylorda oblysynda qazaq kúresinen jastar arasynda el chempıonaty bastalady
QYZYLORDA. QazAqparat - 14 qazanda Jańaqorǵan aýdany Mashbek aýylynda «Qurmet» ordeniniń ıegeri, eńbek ardageri Mashbek Nálibaevty eske alýǵa arnalǵan qazaq kúresinen 23 jasqa deıingi jastar arasynda Qazaqstan Respýblıkasynyń chempıonaty, shaǵyn-fýtboldan jáne voleıboldan oblystyq ashyq týrnır bastalady, dep habarlaıdy QazAqparat oblystyq dene shynyqtyrý jáne sport basqarmasyna silteme jasap.
El chempıonatyna Astana, Almaty qalalary men oblys ortalyqtarynan 16 komanda, 8 salmaq dárejesinde júldelerdi sarapqa salady.
Sondaı-aq, 16 qazanda qazaq kúresinen «Túıe palýandar» arasynda halyqaralyq týrnır ótedi. Oǵan Grýzııa, Mońǵolııa, Tájikstan, Ózbekstan jáne Qazaqstannan 40-qa jýyq palýan baq synasady.
Júlde qory: I orynǵa jeńil avtokólik, II, III oryndarǵa aqshalaı syıaqy beriledi.
Aıta keteıik, atalmysh jarystar el Táýelsizdiginiń 25 jyldyǵyna arnalyp otyr.
