Qyzylorda oblysynda qaıyrymdylyq kómek kórsetý 4,5 esege artty

QYZYLORDA. QazAqparat - Qyzylorda oblysynda jyl basynan beri bıýdjetten tys qarajat kózderi esebinen 5 myńǵa jýyq turmysy tómen otbasylarǵa, múgedekter men jalǵyz basty qarttarǵa 62 mln teńgeden astam qaıyrymdylyq kómegi kórsetilgen.

Jalpy qaıyrymdylyq kómek kórsetý aıasy ótken jylmen salystyrǵanda 

4,5 esege artqan.  Bul týraly búgin Óńirlik kommýnıkatsııalar qyzmetinde ótken brıfıngte oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Marat Delmuhanov baıandady.

Sondaı-aq, Marat Nursaıynuly halyqtyń osal toptaryn áleýmettik qoldaýǵa baǵyttalǵan sharalarǵa da toqtalyp ótti.

«2013 jyldan bastap aımaqta alǵash ret Qazaqstan Respýblıkasynyń bilim berý mekemelerinde óńirge qajet mamandyqtar boıynsha az qamtylǵan otbasylardan shyqqan stýdentterge bilim berý qyzmetine aqy tóleý úshin oblys ákiminiń granty taǵaıyndalyp keledi. Osynyń arqasynda búgingi kúni
365 stýdent joǵary oqý oryndarynda bilim alýda. Bıyl taǵy da oblys ákiminiń qoldaýymen qosymsha 135 grant bólinip, jalpy bilim alýshylardyń sany 500-ge jetti», - deıdi M. Delmuqanov.

Aıta ketý kerek, az qamtylǵan otbasylardan shyqqan stýdentterge arnalǵan oblys ákiminiń granty pedagogıkalyq, tehnıkalyq, aýyl sharýashylyǵy  jáne medıtsına salalary boıynsha bólingen.