Qyzylorda oblysynda kásipkerler muqtaj otbasylarǵa turǵyn úı alyp berdi

QYZYLORDA. QazAqparat - Qyzylorda oblysynda kásipkerler baspanaǵa muqtaj azamattarǵa turǵyn úı alyp berdi, dep habarlaıdy QazAqparat tilshisi.

Syrdarııa aýdanyna qarasty Shaǵan aýylynyń qos turǵyny qonys toıyn toılady. Janashyr azamattar eki turǵynǵa kómek qolyn sozyp, páter kiltin tabys etti.

Jergilikti turǵyndar kópbalaly ana Aqtolys Ánýarova men ekinshi top múgedegi Muratbek Táýekelovke úı alyp berý týraly kásipkerlerge usynys bildirgen. Bul usynysqa aldymen «Abaı-Dáýlet» JShS dırektory, metsenat Murat Sársenbaev qoldaý bildirdi. Kásipker úıi apattyq jaǵdaıda dep tanylǵan kópbalaly ana A.Ánýarovaǵa Shaǵan aýylynan turǵyn úı satyp alyp berdi.

«Biz árkez ıgilikti iske qoldaý bildiremiz. Kópbalaly ana balalarymen jańa baspanaǵa kirýine qoldaý kórsettik», – dedi kásipker.

Al baspanaǵa muqtaj M.Táýekelovke aýyldyń Berdibek Qadyrov bastaǵan Erbol Isa, Ádilbek Pirálıev, Erbol Bısenov, Gúlnar Júnis, Baqytbek Jańabergenov belgili kásipkerleri janashyrlyq tanytty.

«Aýylymyz kórkeıip, damyp keledi. Jyl boıyna aýqymdy jumystar atqarylýda. Mine, osyndaı elde turyp biz turǵyndarǵa árkez qoldaý bildirýimiz kerek. Osy maqsatta aýyl turǵynyn baspanamen qamtamasyz etýge jumyldyq», - dedi kásipker B.Qadyrov.

Buǵan deıin qyzylordalyqtar aýyldasyna asarlatyp úı salyp bergen bolatyn .