Qyzylorda oblysynda «Qarasora-2023» is-sharasy aıasynda esirtki ósirgen 23 adam qolǵa tústi

QYZYLORDA. QazAqparat - Qyzylorda oblysynda maýsym aıynan bastalǵan «Qarasora-2023» is-sharasy aıasynda esirtki ósirýmen aınalysqan 23 adam qolǵa túsip, olardyń 6-y qamaýǵa alyndy, dep habarlaıdy QazAqparat tilshisi.

Respýblıka kóleminde esirtki qylmysynyń aldyn alýǵa baǵyttalǵan «Qarasora-2023» jedel-profılaktıkalyq is- sharasy 1 maýsym jáne 31 qazan aralyǵynda ótkiziledi.

Atalǵan jumys barysynda oblysta esirtki ósirýmen aınalysqan 23 adam quryqtalyp, onyń 6-y qamaqqa alyndy

«Atalǵan jumystar barysynda oblys kóleminde barlyǵy 39 esirtki quqyq buzýshylyǵy anyqtalǵan. Onyń ishinde 20-y esirtki ósirý, 2-i esirtki ótkizý, 3-i asa iri mólsherde saqtaý jáne 14-i esirtkige baılanysty qylmystyq teris qylyqtar sanalady. Zańsyz aınalymnan 1,6 tonna esirtki zaty alyndy. Polıtsııa qyzmetkerleri olardan 5 keliden astamy «marıhýana», 5 gramm «gashısh» jáne 1 tonna 610 keli kannabıs ósimdigi tárkiledi, - dep málim etti Qyzylorda oblystyq polıtsııa departamentinen.

Eske salsaq, budan buryn Qyzylordalyq azamattan 41 túp qarasora ósimdigi tárkilendi.