Qyzylorda oblysynda karantın tártibin buzǵan aýyl ákimi jazalandy

QYZYLORDA. QazAqparat - Qyzylorda oblysynda karantın talaptaryn saqtamaı kópshilikpen tabıǵat aıasyna demalýǵa shyqqan aýyl ákimi tıisti jazaǵa tartyldy, dep habarlaıdy QazAqparat tilshisi.

QR Memlekettik qyzmet isteri agenttiginiń Qyzylorda oblysyndaǵy Ádep jónindegi keńesiniń kezekti otyrysynda Jańaqorǵan aýdany, Qandóz aýyldyq okrýgi ákiminiń tártiptik isi qaraldy.

Departament qyzmetkerleri ol jóninde áleýmettik jelide jarııalanǵan jazbaǵa nazar aýdarǵan.

«Áleýmettik jelidegi jazbada aýyl ákiminiń karantın rejımin saqtamaǵany aıtylǵan. Ol tabıǵat aıasynda áriptesterimen demalys uıymdastyrǵan., Osylaısha sanıtarlyq talaptardy buzǵan. Bul kópshilik tarapynan synǵa ilikken bolatyn», - dedi QR Memlekettik qyzmet isteri agenttiginiń Qyzylorda oblysy boıynsha departamentiniń mamandary.

Ádep jónindegi keńes músheleri tártiptik isti qarady. Ádep kodeksi talaptaryn buzǵany úshin aýyl ákimi «eskertý» túrindegi tártiptik jazaǵa tartylatyn boldy.