Qyzylorda oblysynda karantın talaptary kúsheıtildi
QYZYLORDA. QazAqparat - Qyzylorda oblysynyń Bas memlekettik sanıtarııalyq dárigeriniń 6 mamyrda jańa qaýlysy kúshine endi, dep habarlaıdy QazAqparat tilshisi.
Jańa qaýlyda birqatar ózgerister kórsetilgen.
Máselen, mindetterin qashyqtyqtan oryndaý múmkin emes jumyskerlerdi qospaǵanda, koronavırýsqa qarsy vaktsınatsııalanbaǵan jáne sońǵy 6 aı ishinde atalǵan dertpen aýyrmaǵan qyzmetkerler qashyqtyqtan jumys isteý formatyna aýystyrylady.
«Al qoǵamdyq tamaqtaný obektileriniń jumysy tómendegi talaptar negizinde júrgiziledi. Atap aıtqanda, úı-jaıda ornalasqan meıramhanalar, dámhanalar, kofehana ornalasqan ornyna qaramastan, ǵımarattardyń ishinde toltyrylýy 50%-ǵa deıin, biraq 30 orynnan aspaıtyn jumys kestesin saǵat 9.00-den 20.00-ge deıin júrgize alady. Al ashyq aýada (jazdyq zal) otyratyn oryn sany 30-dan aspaıtyn sharttardy saqtaǵan jaǵdaıda, bir ústelde 4-6 adamnan aspaıtyn otyrý men kórshi ústelderdiń shetki oryndary arasynda keminde 2 metr áleýmettik qashyqtyqty saqtaý talap etiledi. Olarǵa tamaqty jetkizý jáne shyǵarý qyzmetin qospaǵanda jumys kestesin saǵat 9.00-den 20.00-ge deıin júrgizý nazarda ustalady. Ashanalar tıpi boıynsha qoǵamdyq tamaqtaný obektileriniń jumysy 24.00-ge deıin uıymdastyrylady», - dep málim etti Qyzylorda oblysy sanıtarlyq-epıdemıologııalyq baqylaý departamentinen.
Vedomstvonyń habaralýynsha, ujymdyq, saltanatty, otbasylyq, eske alý (aýyz ashar, banketter, úılený toılary, mereıtoılar, eske alý jáne t.b) jáne basqa da buqaralyq is-sharalardy ótkizýge qatań tyıym salynady.
Esterińizge sala ketelik, budan buryn Qyzylorda oblysynyń ákimi Gúlshara Ábdiqalyqova aımaq turǵyndaryna vaktsınaǵa baılanysty úndeý jarııalaǵan bolatyn.
