Qyzylorda oblysynda karantın talabyn buzǵandarǵa 21 mln teńge aıyppul salynǵan
Óńirde qurylǵan monıtorıngilik toptar karantın rejıminiń saqtalýyn qadaǵalap keledi. Jyl basynan beri olardyń tarapynan reıdtik tekserister negizinde 9190 nysan qamtyldy.
Nátıjesinde karantın talaptaryn buzýdyń 302 jaǵdaıy anyqtaldy. «Onyń ishinde halyqqa qyzmet kórsetý nysandarynda 148 shara ótken, úı jaǵdaıynda uıymdastyrylǵan is-sharalar – 108. Al uıymdasqan ujymdarda karantındik shekteýlerdi elemeýdiń 47 oqıǵasy tirkeldi. Atalǵan jaǵdaılar boıynsha QR Ákimshilik quqyq buýshylyq týraly kodeksiniń 425-baby 1-bóligimen jalpy somasy 21 mln teńgeden astam somaǵa aıyppul salyndy», - dedi oblystyq Sanıtarııalyq-epıdemıologııalyq baqylaý departamentiniń basshysy Dınara Jańabergenova.
Karantın talaptaryn buzýshylyqtar boıynsha zańdy tulǵalar men jeke kásipkerlerge, laýazymdy tulǵalarǵa, nysandarǵa qatysy bar jeke azamattarǵa ákimshilik hattama toltyrylǵan.
Eske salsaq, Qyzylorda oblysynda 86 myńnan astam adam koronavırýsqa qarsy vaktsına aldy.
