Qyzylorda oblysynda karantın shekteýiniń áserinen koronavırýs dınamıkasy turaqtalyp keledi
Іndet órshigen kezden bergi jaǵdaımen salystyrǵanda vırýs juqtyrǵandar sany azaıyp, saýyǵyp shyqqandar qatary kóbeıdi. Búgingi kúni ınfektsııalyq statsıonarda 51 adam em alýda. Aýdandardaǵy aýrýhanalar ishinen ashylǵan provızorlyq statsıonarlar jabylýda. Máselen, keshe Jańaqorǵan aýdanynyń aýrýhanasynan sońǵy naýqas aıyǵyp shyǵyp, úıine oraldy. Emdeý mekemeleri josparly qabyldaýǵa qaıta kirisýde.
«Іndetti órshitpeý maqsatynda óńirde 6 kompıýterlik tomografııa jumys istep tur. Degenmen, áli de 2 apparatqa qajettilik bar. Degenmen, rentgen apparatyn alý bir aı ishinde 2 esege ósti. Buryn 22 apparat bolsa, qazir 52 apparatqa deıin jetip otyr. Ókpeni jasandy jeldetý apparattary da qajettilikke qaraı alynǵan. Shilde aıynda apparat sany 64 bolsa, jańadan 53 ÓJJ apparaty alyndy. Turaqty qoldaý sharalarynyń nátıjesinde aımaqta barlyǵy 431 ottegi kontsentratory, 896 ottegi ballony bar. Al óńirde 10 PTR apparaty halyqqa qyzmet jasap, táýligine 1500 synama analızder alýǵa múmkindik berdi», delingen habarlamada.
Koronavırýspen kúreste dári-dármektiń qoryn jasaqtaý mańyzdy. Oblysta barlyq medıtsına mekemeleri dárilik zattarmen jáne qorǵanysh quraldarymen qamtamasyz etildi. Búgingi kúni qajettilik esepke alynyp, emdeý mekemelerinde 2 aıǵa jeterlik qor qalyptasty. Al, dárihanalarda 1 aıǵa jeterlik qory jasaqtaldy.
«Óńirde jedel-járdem shaqyrtý da azaıdy. Maýsym aıyndaǵy shaqyrtý sanymen salystyrǵanda búginde naýqastardyń qońyraýy eki esege tómendegen. Buryn 2 120 shaqyrý tússe, qazir shaqyrtý 1001 ǵana. Demek, júkteme tómendedi. Shekteý sharalarynyń oń áserinen statsıonarǵa jetkizilgen adamdar sany 8 esege azaıdy. Maýsymdyq kórsetkish 450 bolsa, shildede 57-ge tómendedi», delingen habarlamada.
Jeke azamattardyń qaýipsizdikti saqtap, oqshaýlanyp, qajetti em-sharalaryn alýyna aqparattyq túsindirme jumystarynyń oń áseri tıdi.
Óńirde 24 saǵat call ortalyǵy jumys júrgizip, 161 mobıldi top quryldy. Biliktikti dárigerlerdiń qatysýymen «Dáriger saǵaty» baǵdarlamasy ashylyp, tikeleı efırde halyqqa qajetti aqparat usynyldy. BAQ pen áleýmettik jelide 37887 materıal, 220 brıfıng ótken.
«Sońǵy aptalyq ahýaldyń jaqsarýyna sáıkes medıtsına mamandary turǵyndardyń karantın talaptaryn saqtap, oqshaýlaný qaǵıdasymen júrý qajettigin suraıdy. Tek shekteýlerdiń nátıjesinde ǵana aıyqqandar sany kóbeıip, vırýs indetin túbegeıli joıý múmkindigi bolady», delingen habarlamada.
