Qyzylorda oblysynda qant dıabetine shaldyqqan jastar sany artyp otyr
QYZYLORDA. QazAqparat - Qyzylorda oblysynda qant dıabetine shaldyqqan jastar sany artyp otyr, dep habarlaıdy QazAqparat tilshisi.
Oblysta qant dıabetimen aýyrǵandar sany ótken jylmen salystyrǵanda 2,6 paıyzǵa ósken. Olardyń qatarynda jastar sany basym.
Álemde 2 tıpti qant dıabetimen aýyratyn naýqastardyń sany kóbeıgen. Dúnıejúzinde atalǵan syrqatqa shaldyqqan 400 mıllıonǵa jýyq adam bar.
«Qant dıabeti júrek-qan tamyr aýrýlarynan keıingi ekinshi orynda tur. Búginde aýrýǵa shaldyqqan naýqastardyń jalpy sany - 14 700 quraıdy. Bul ótken jylmen salystyrǵanda 2,6 paıyzǵa kóp. 2011 jyldan bastap qant dıabetin anyqtaý úshin skrınıng júrgizilip, barlyq emhanalar osy baǵdarlamamen jumys isteýde», - dedi oblystyq densaýlyq saqtaý basqarmasynyń shtattan tys endokrınolog dárigeri Gúlnar Orazova.
Qant dıabeti áser ete alatyn jáne áser ete almaıtyn bolyp ekige bólinedi. Biz áser ete almaıtyn faktorlardyń biri – adamnyń jasy.
«Adamnyń jasy ulǵaıǵan saıyn qant dıabetine shaldyǵý yqtımaldyǵy joǵary. Ekinshi faktor – bul tuqym qýalaýshylyq. ıAǵnı syrqat adamǵa gen arqyly beriledi. Sondaı-aq, qımyl qozǵalystyń az bolýy, durys tamaqtanbaý, zııandy ádetterdiń barlyǵy qant dıabeti aýrýyna ákep soqtyrýy múmkin», - dedi №6 qalalyq emhananyń endokrınolog dárigeri Gúljan Absatova.
