Qyzylorda oblysynda ınfektsııalyq jáne reanımatsııalyq oryndar kóbeıtildi
QYZYLORDA. QazAqparat - Qyzylorda oblysynda maýsym-shilde aılarynda ınfektsııalyq oryn 585-ten 2 340-qa, reanımatsııalyq oryn 90-nan 172-ge deıin kóbeıtildi, dep habarlaıdy QazAqparat tilshisi.
Ótken jyldan beri Qyzylorda oblysynda 13 826 adam indet juqtyrdy. Qazirge deıin 80 paıyzy jazyldy. Al pnevmonııamen syrqattanǵan 1 950 naýqastyń 1 670-i (85,6%) emdelip shyqty.
Bıylǵy jyldyń maýsym-shilde aılarynda ınfektsııalyq oryn 585-ten 2 340-qa, reanımatsııalyq tósek oryn 90-nan 172-ge deıin kóbeıtildi. Qazirgi tańda 1 860 ınfektsııalyq oryn naýqastardy qabyldaýda. Onyń ishinde reanımatsııalyq tósek oryn 157. Qazir júkteme 65 paıyzǵa jetken. Rezerv oryn sanyn qosqanda 3 200 oryn ázirlendi. Onyń 518-i ortalyqtandyrylǵan ottegimen jabdyqtalǵan.
«Ótken jyly qurylysy bastalǵan modýldik statsıonar jaqynda iske qosylyp, 10 tamyzdan bastap naýqastardy qabyldaýda. Rejımdi túrde 6 ottegi shyǵarý stantsııasy (onyń 2-i 2020 jyly kópbeıindi oblystyq jáne Qazaly aýdanaralyq aýrýhanalarynda iske qosyldy) jumys istep tur. Dári-dármek qory qalyptasqan. Koronavırýs ınfektsııasyna qarsy kúres jumystaryna qajetti medıtsınalyq kadrlar men qural jabdyqtar jetkilikti», - dedi oblystyq densaýlyq saqtaý basqarmasy basshysynyń orynbasary Jangeldi Shaıymbetov.
Óńirde 11 PTR apparaty iske qosylǵan. Táýligine 1 300-1 500 aralyǵynda synama alynady. Qajettilik týyndaǵanda zertteý sanyn 3 500-ge deıin jetkizýge múmkindik bar.
Eske salsaq, Qyzylorda oblysynda Qyzylorda oblysynda 16 kún ishinde 3 myńnan astam adam koronavırýs juqtyrdy.
