Qyzylorda oblysynda gaz qubyryndaǵy apatqa baılanysty komıssııa quryldy
QYZYLORDA. QazAqparat - Keshe Qyzylorda oblysynda apatty jaǵdaı tirkelgen bolatyn. Olys ortalyǵyn gazben qamtamasyz etip otyrǵan qubyrlardyń biri isten shyǵyp, sonyń saldarynan segiz myńnan astam úı kógildir otynnan ajyratyldy. Búgin Qyzylorda oblystyq óńirlik kommýnıkatsııalar ortalyǵynda baspasóz konferentsııasy ótip, sala mamandary tótenshe jaǵdaı týraly aqparat berdi, dep habarlaıdy QazAqparat.
Qazirgi isten shyqqan qubyr áli retke keltirilgen joq. Sol sebepti Shanhaı móltek aýdanynyń turǵyndary kógildir otynsyz otyr. Tótenshe jaǵdaıdyń oryn alý sebebin anyqtaý úshin, arnaıy komıssııa quryldy.
«Gaz jarylǵan kópqabatty úıdiń turǵyndarynyń jaǵdaıy qazir bizdiń nazarymyzda. Olarǵa aldaǵy ýaqytta kómek beriletin bolady. Kesheden beri birshama úılerge gaz qaıta qosyldy. Biz halyq arasynda eskertý jumystaryn júrgizip jatyrmyz. Kógildir otyn berilgende úıde eresek adam bolýy kerek», - dedi «QazTransGazAımaq» óndiristik AQ fılıalynyń dırektory Talǵat Qyzylbaev.
Aınur Tóleshova
