Qyzylorda oblysynda gaz baǵasy 21 paıyzǵa tómendedi
2021 jylǵy 30 maýsymda QR Tabıǵı monopolııalardy retteý komıtetiniń Qyzylorda oblystyq departamenti esepterdi qaraý nátıjesi boıynsha taýarlyq gazdy taratýshy qubyrlar arqyly tasymaldaý qyzmetine ýaqytsha ótemdik tarıf bekitken edi.
«Oǵan «QazTransGaz Aımaq» AQ Qyzylorda fılıaly kelispeı, atalǵan buıryqty zańsyz dep taný týraly sotqa shaǵym túsirdi. Osyǵan baılanysty sot talqylaýlary júrgizildi. Olardyń barlyǵynda departament buıryǵy zańdy dep tanyldy. Bul boıynsha Qyzylorda oblysy tutynýshylarynyń quqyqtaryn qorǵaý maqsatynda «QazTransGaz Aımaq» AQ Qyzylorda fılıalynyń somasy 1,4 mlrd teńge negizsiz alynǵan kirisi tutynýshylarǵa bıylǵy jylǵy 1 tamyzdan bastap bir jyl merzimge tómendetý arqyly qaıtarylatyn boldy. Onyń ishinde halyq úshin tarıf 1 000 sharshy metrge qosymsha qun salyǵynsyz 16 492,52 teńgeden 13 043,49 teńgege deıin, 21% shamasynda tómendeıdi», - dep málim etti QR Tabıǵı monopolııalardy retteý komıtetiniń Qyzylorda oblysy boıynsha departamentinen.
Eske salsaq, budan buryn Qyzylorda oblysynda aýyz sý sapasynan kemshilikter tabyldy.
