Qyzylorda oblysynda erte kelip daýys bergender qatarynda soǵys ardageri jáne sarbazdar bar
QYZYLORDA. QazAqparat - Qyzylorda oblysynda 350 saılaý ýchaskesi tańǵy saǵat 07.00-den óz jumysyn bastady. Onyń ishinde 326-sy ashyq túrde bolsa, 24 saılaý ýchaskesi jabyq bolyp sanalǵan. Oblysta 407 133 saılaýshy bar.
Búgingi saılaý barysynda alǵashqy daýys berýshiler qatarynda №263 saılaý ýchaskesinde Álem chempıony Ilıa Ilınniń otbasy músheleri aǵasy jáne týǵandary Alekseı Ilın jubaıymen kelip, óz tańdaýyn jasady. Barlyq saılaýǵa túsýshi kandıdattarǵa sáttilik tiledi.
Aımaqtaǵy 324 saılaý ýchaskesinde saılaýdy baqylaýdyń respýblıkalyq baqylaýshy komıssııasynan 339 qysqa merzimdi baqylaýshy jáne úkimettik emes uıymdardan 1745 baqylaýshy tirkelgen. Sonymen birge, 18 sheteldik baıqaýshy tirkelip jumys jasaýda.
Alǵash ret daýys bergenderdiń qatarynda №200 saılaý ýchaskesinen soǵys ardageri, qoǵam qaıratkeri Ydyrys Qalıev, №266 jabyq saılaý ýchaskesindegi №5547 áskerı bólimdegi sarbazdar jáne №214 jabyq saılaý ýchaskesindegi qalalyq perzenthanadaǵy jańa bosanǵan áıelder bar.
Sonymen birge, oblystaǵy №226 saılaý ýchaskesinde aıtys aqyny Muhtar Nııazov otbasymen birge kelip, óz tańdaýyn jasady.
Belgili aıtys aqyny óz sózinde saılaýdyń mańyzdylyǵyn aıta kelip, «biz Máńgilik El bolýǵa talpynǵan memleketpiz. Sondyqtan da osy maqsatty birlese júzege asyrýǵa tıispiz» dep erekshe atap kórsetti.
Sonymen qatar, búgingi saılaýǵa eńbekshiler áýleti de belsendi úles qosýda. Atap aıtqanda, №191 saılaý ýchaskesinde oblystaǵy baılanysshylar áýletiniń biri - Qojantaevtar otbasymen birge kelip, daýys berdi.
Olar óz suhbatynda saılaý ótkizý halyqqa óz tańdaýyn jasap, eldiń damýy úshin ózindik ún qosatyn tamasha múmkindik dep esepteıtinderin jáne bul kezeńde árbir azamattyń daýysynyń mańyzdylyǵyn atap kórsetip, barlyq Syr eliniń saılaýshylaryna daýys berýge shaqyrdy.
