Qyzylorda oblysynda eriktiler shtaby quryldy
Qyzylorda oblysynyń azamattyq qoǵamy jáne jastardyń bastamasymen «Volonter jyly» aıasynda óńirimizde eriktilerdiń jumysyn damytýǵa baǵyttalǵan usynys-pikirlerdi jınaqtaý, ortaǵa salý maqsatynda basqosý ótti.
Jıyn barysynda oblystyq eriktiler shtaby jasaqtalyp, quramy bekitildi. Sondaı-aq, shtab músheleriniń usynystary tyńdaldy. Aldaǵy ýaqytta atqarylatyn jumystar, maqsat-mindetterdi jáne jyldyq jospardy aıqyndap aldy. Sonymen qatar, shtab múshesi bolýǵa nıet bildirgendermen memorandýmǵa otyrý usynystary aıtyldy.
«Atalǵan shtab eshqandaı qarjysyz oblys kóleminde jyl boıy 7 baǵyt boıynsha eriktilik qyzmetterin atqarady. Eriktilerdi tirkeý búginnen bastap shtabta júrgiziletin bolady. Barsha qoǵamdy qatarǵa qosylýǵa shaqyramyz», – deıdi uıymdastyrýshylar.
Kópshiliktiń qoldaýymen Qyzylorda oblysy eriktiler shtabynyń jetekshisi bolyp Olga Chebakova saılandy.
Shtabqa tirkelgen eriktilerdi oqytý kýrstarynan, erikti bolýdyń joldary jaıly arnaıy sabaqtardan ótetin bolady.
Oblystyq eriktiler shtabynyń bir ereksheligi múmkindigi shekteýli azamattardan quralǵan top jumys jasaıdy. Al ekinshi erekshelik tótenshe jaǵdaıǵa da volonter daıyndaý kózdelgen. Oqýǵa nıet bildirgen jastar qańtar, aqpan aılarynda kýrsqa jazyla alady.