Qyzylorda oblysynda ekpe qabyldaýǵa qabiletti turǵyndardyń 71,9 paıyzy vaktsına saldyrdy
QYZYLORDA. QazAqparat - Qyzylorda oblysynda koronavırýsqa qarsy vaktsınanyń birinshi komponentin 288 029 adam aldy. Bul ekpe qabyldaýǵa qabiletti turǵyndardyń 71,9 paıyzyn quraıdy, dep habarlaıdy QazAqparat tilshisi.
Bıylǵy jyldyń 1 aqpanynan bastap óńirge barlyǵy 583 635 doza vaktsına jetkizildi. Olardyń 30 060-y «QazVac-in», 64 600-i «Hayatvax», 443 975-i «Spýtnık - V», 23 000-y «SinoPharm», 22 000-y - «CoronaVac» vaktsınasy.
«Qazirgi tańda oblys boıynsha 20 medıtsınalyq mekemede (sonyń ishinde qala boıynsha 11, aýdandar boıynsha 9) koronavırýs ınfektsııasyna qarsy egý jumystary úzilissiz júrgizilýde.
Bıylǵy jyldyń 1 aqpany men 13 qyrkúıegi aralyǵynda oblysta koronavırýs ınfektsııasyna qarsy vaktsınatsııanyń 1 komponentimen egilgender sany - 288 029 adamdy qurady. Bul -ekpe qabyldaýǵa qabiletti turǵyndardyń 71,9 paıyzy. Al 2 komponentimen egilgender sany - 239 397 adam, ol 59,7 paıyzdy shamalap otyr», - dedi oblystyq densaýlyq saqtaý basqarmasy basshysynyń orynbasary Jalǵasbek Úsenov.
Vedomstvo málimetinshe, birinshi komponentpen egilgender arasynda medıtsına qyzmetkerleri - 41 568, pedagogtar - 39 852, kúsh qurylymdarynyń qyzmetkerleri - 4 800, ýchaskelik polıtsııa qyzmetkerleri - 1 509, memlekettik qyzmetshiler -7 285, sozylmaly aýrýlary bar adamdar - 40 194, stýdentter - 15 867, basqa kontıngentter - 137 808 adamǵa jetti. Egilgender arasynda ımmýndaýdan keıingi qolaısyz kórinister tirkelgen joq.
Eske salsaq, Qyzylorda oblysynda muǵalimderdiń 95%-y koronavırýsqa qarsy vaktsına saldyrdy.
