Qyzylorda oblysynda ekonomıkalyq damýdyń oń dınamıkasy qalyptasty
Óńdeýshi ónerkásip óndirisi 9,7 paıyzǵa, aýyl sharýashylyǵynyń jalpy ónimi 2,7 paıyzǵa, ınvestıtsııalar tartý 7,6 paıyzǵa, qurylys jumystary kólemi 44,0 paıyzǵa, paıdalanýǵa berilgen turǵyn úıler kólemi 2,5 paıyzǵa artqan.
Jumys jasap turǵan shaǵyn jáne orta bıznes sýbektileriniń sany 6,1 paıyzǵa artyp, 49090 birlikti qurady (2020 jyldyń qańtar-naýryzynda – 46268 birlik).
Tutyný baǵalary ındeksi respýblıkalyq deńgeımen salystyrǵanda tómen qalyptasty: oblys 101,7 paıyz bolsa, respýblıka 101,9 paıyz.
Al, azyq túlik taýarlaryna baǵa ındeksi respýblıkalyq deńgeımen birdeı qalyptasyp 103,0 paıyzdy qurady.
Jalpy, búginde óńir ekonomıkasyna ınvestıtsııalar tartý, jańa jumys oryndaryn qurý, salyqtyq bazany arttyrý baǵytyndaǵy jumystar jalǵasýda.
Atap aıtqanda, 2023 jylǵa deıingi Qyzylorda oblysynyń Ekonomıkalyq damý jospary aıasynda jumystar jalǵasýda.
Aǵymdaǵy ekonomıkalyq jaǵdaıdy eskere otyryp atalǵan Damý jospary ózektendirilip, jobalar sany bekitilgen 265-ten 404-ke deıin artty.
Bıylǵy jyly 14 mlrd teńgeniń 96 jobasyn iske asyrý josparlansa, búginde onyń 173,6 mln teńge bolatyn 15 jobasy iske qosyldy.
«Aýyl-El besigi» arnaıy jobasy sheńberinde 2021 jyly Qazaly, Qarmaqshy, Jalaǵash, Syrdarııa jáne Shıeli aýdandaryna qarasty aýyldyq eldi mekenderde 13 ınvestıtsııalyq jobany iske asyrýǵa 1,9 mlrd teńge qarastyrylyp, 117 jumys ornyn qurý josparlanýda. Qazirgi tańda memlekettik satyp alý jumystary júrgizilýde.
QR Premer-Mınıstri men oblys ákimdigi arasyndaǵy 2021 jylǵa bekitilgen Memorandým aıasynda 16 nysanaly ındıkator (6 ındıkator boıynsha málimetter aı saıyn, 5 ındıkator boıynsha jylyna tek bir ret, 5 ındıkator boıynsha toqsan saıyn bir toqsanǵa keshige otyryp shyǵady) boıynsha turaqty monıtorıng júrgizilýde.
1 toqsan nátıjesimen Memorandýmnyń oryndalýyna kelsek:
- jergilikti bıýdjetke salyqtyq jáne salyqtyq emes túsimderdiń ósýi ındıkatory boıynsha 2021 jylǵy jospar 100,3 paıyz bolsa, búgingi kúnge jergilikti bıýdjetke 15 316,5 mln teńgeniń salyqtyq jáne salyqtyq emes túsimderi túsip nemese ótken jyldyń tıisti kezeńimen salystyrǵanda 12,0 paıyzǵa artty (2020 jyl 13 669,4 mln tg):
- qurylǵan turaqty jumys oryndarynyń sanynyń ındıkatory boıynsha bıylǵa 13 500 jumys ornyn qurý josparlansa, 1 toqsan nátıjesimen 2 172 jumys orny qurylyp, ósim 3,9 paıyzdy qurady.
- paıdalanýǵa berilgen turǵyn úılerdiń jalpy aýdany ındıkatory boıynsha 2021 jylǵa 644,7 myń sharshy metr turǵyn úı berý josparlansa, 1 toqsanda 133,5 myń sharshy metr turǵyn úı berilip, ósim 2,5 paıyzdy qurady.
Qoryta kelgende, oblystyń áleýmettik-ekonomıkalyq damý turaqtylyǵyn odan ári qamtamasyz etý maqsatynda memlekettik baǵdarlamalar, óńirdiń Damý baǵdarlamasy jáne QR Premer-Mınıstri men oblys ákimdigi arasyndaǵy bekitilgen Memorandým, Qyzylorda oblysynyń 2019-2022 jyldarǵa arnalǵan áleýmettik-ekonomıkalyq damýynyń Keshendi jospary, sondaı-aq «2021 jylǵa arnalǵan Qyzylorda oblysy ákiminiń Іs-qımyl jospary» sheńberinde jumystar jalǵasatyn bolady.
