Qyzylorda oblysynda eki sábı ystyq sorpaǵa kúıip qaldy

QYZYLORDA. QazAqparat - Qyzylorda oblysy Qarmaqshy aýdanynda eki jasar eki sábıdi termııalyq kúıik shaldy, dep habarlaıdy QazAqparat tilshisi.

Oqıǵalardyń ekeýi de 6 sáýir kúni aýdan ortalyǵy – Josaly kentinde bolǵan. Eki otbasynda da náresteler ystyq sorpaǵa kúıip qalǵan. Saldarynan qos sábı ekinshi dárejeli kúıik jaraqatyn aldy. Balalar aýrýhanada em qabyldaýda.

«Qazirgi tańda balalar dárigerlerdiń baqylaýynda. Jaǵdaıy qanaǵattanarlyq deńgeıde. Ata-analardan balalaryn kózden tasa etpeýin suraımyz», - dep málim etti Qyzylorda oblystyq Tótenshe jaǵdaılar departamenti órt sóndirý jáne apattyq-qutqarý jumystary qyzmetiniń baspasóz hatshysy Álııa Erejepova.