Qyzylorda oblysynda egistik basynda kombaın órtenip ketti
Oqıǵa búgin, 12 qazanda saǵat 10:50 shamasynda bolǵan. Sol ýaqytta tótenshe jaǵdaılar qyzmetine Syrdarııa aýdanyna qarasty Shaǵan aýylyndaǵy egistik basynda kombaın órtenip jatqany jóninde habarlama kelip tústi.
«Oqıǵa ornyna Syrdarııa aýdanyndaǵy №12 órt sóndirý bólimshesinen 5 qyzmetker 1 tehnıkamen shyqty. Eki aralyq shamaman 18 shaqyrymdy quraıdy. Egistik basynda 2008 jyly shyqqan kúrish jınaıtyn kombaın janyp jatqany belgili boldy. Órt 11.53-te oqshaýlandyrlyp, 11.55-te tolyǵymen sóndirildi», - dedi Qyzylorda oblystyq Tótenshe jaǵdaılar departamenti Órt sóndirý jáne avarııalyq-qutqarý jumystary qyzmetiniń baspasóz hatshysy Álııa Erejepova.
Eske salsaq, budan buryn Qyzylorda oblysynda bıyl 297 órt oqıǵasy tirkelgenin habarlaǵan bolatynbyz.
