Qyzylorda oblysynda byltyr alaıaqtyqpen aınalysqan 55 áıel isti bolǵan
QYZYLORDA. QazAqparat - Qyzylorda oblysy boıynsha alaıaqtyq qylmys jasaǵany úshin ótken jyly 55 áıel isti bolsa, onyń 11-i naqty merzimderge kesildi,-dep habarlady QazAqparat HAA tilshisi oblystyq prokýratýraǵa silteme jasap.
Ádette alaıaqtar adamdardyń senimine kirip, olardyń quqyqtyq saýatsyzdyǵyn paıdalanady. Qurbandyqqa ushyraǵandar arasynda negizinen jumyssyzdar kóp kezdesedi. Olardy kúdikti nesıe, úı, jer telimin alyp beremin dep aldap otyrǵan.
Ótken jyly alaıaqtyq qylmyspen barlyǵy 87 adam sottalsa, onyń 70 paıyzyn áıelder qurap otyr. Mysaly, G. Ábilhanova degen azamatsha buryn da osy alaıaqtyǵy úshin sottalǵanyna qaramastan, qylmysty qaıta jasap, nátıjesinde 4 jyl bas bostandyǵynan aıyryldy.
Alaıaqtardyń qurbany bolǵan jandar quqyq qorǵaý oryndaryna der kezinde shaǵymdanbaıdy, bul kezde qylmys jasaýshy qarjynyń bárin jumsap úlgiredi, bolmasa boı tasalaıdy.
Búgingi kúni oblystyq prokýratýra saıtynda alaıaqtyqpen aınalysqandardyń tizimi jarııalanyp, tizim basqa da tıisti mekemelerge taratyldy.
