Qyzylorda oblysynda byltyr 16 myń adamǵa 212 mln. teńge kóleminde kómek kórsetilgen
QYZYLORDA. QazAqparat - Qyzylorda oblysy boıynsha byltyrǵy jyly 16 myńnan astam adamǵa - turmysy tómen azamatqa, múmkindigi shekteýli adamdarǵa, kópbalaly otbasylarǵa, jalǵyzbasty qarttarǵa 212 mln teńge kóleminde qaıyrymdylyq kórsetildi.
Onyń basym bóligi bıýdjetten tys qarajat kózderinen, demeýshiler, mekeme men uıymdardyń qoldaýymen júzege asyryldy, dep málim etti Qyzylorda oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Amanjol Aldajarov jýrnalıstermen ótken brıfıng barysynda. Bul týraly QazAqparat HAA tilshisi habarlady.
Ótken jyldyń basty oqıǵasy Táýelsizdiktiń 25 jyldyǵyna oraı uıymdastyrylǵan «Táýelsizdik shapaǵaty» qaıyrymdylyq aılyǵy aıasynda 4451 adamǵa 72, 7 mln teńgege qaıyrymdylyq kómekter kórsetilgen.
«Bıyl elimizde jańa baǵdarlama «Nátıjeli jumyspen qamtýdy jáne jappaı kásipkerlikti damytý» baǵdarlamasy iske qosylatyn bolady. Ony júzege asyrýǵa 3,7 mlrd qarjy bólinip otyr. 3 baǵytta júrgizilgeli otyrǵan jańa baǵdarlama jappaı oqytý jáne kásipkerlik arqyly nátıjeli jumyspen qamtý úshin kiristerdiń ósýine jaǵdaı jasaýdy kózdeıdi. Osy rette shetelderden joǵary bilikti jumys kúshin tartýdy rásimdeý sharalary jeńildetiledi. Sonymen birge, shetelden jumys kúshin tartýǵa kelisim alý úshin jumys berýshiler salyq tóleıtin bolady. Onyń kólemi shaqyrylǵan jumyskerdiń sanaty men jumys isteıtin salasyna qaraı saralanbaq», - dedi basqarma basshysy.
