Qyzylorda oblysynda búgin 3 aýyldyq okrýgte ákim saılaýy ótip jatyr

QYZYLORDA. QazAqparat - Qyzylorda oblysynda búgin 3 aýyldyq okrýgte ákim saılaýy ótip jatyr, dep habarlaıdy QazAqparat tilshisi.

QR Saılaý týraly konstıtýtsııalyq Zańyna sáıkes búgin Qazaly, Qarmaqshy, Jańaqorǵan aýdandarynda aýyldyq okrýg ákimderin saılaý ótkizilýde.

Jergilikti turǵyndar Qazalynyń Sháken, Qarmaqshynyń Aldashbaı ahýn, Jańaqorǵannyń Qyrkeńse aýyldyq okrýgterinde ákimi bolýǵa úmitti kandıdattarǵa daýys berip, óz tańdaýyn jasaýda.

Aýyl ákimi qyzmetine 10 azamat úmitker retinde tirkelgen. Onyń 2-i partııa atynan, 8-i ózin-ózi usyný tártibimen naýqanǵa qatysýda..

Aıta ketsek, jyl basynan beri Qyzylorda oblysynda 13 aýyldyń ákimi saılandy. Endi jyl sońyna deıin aımaqta taǵy 9 aýyl ákiminiń saılaýy josparlanǵan.

Sondaı-aq, Prezıdent tapsyrmasyna sáıkes oblysta 2 aýdan ákimin tikeleı saılaýǵa múmkindik alady.