Qyzylorda oblysynda búgin 2 aýyldyq okrýgte ákim saılaýy ótip jatyr
Jalaǵash aýdany Aqqum men Myrzabaı ahýn aýyldarynda ákim saılaýy ótip jatyr. Tańǵy saǵat 7.00-de №146, 147 ýchaske ashyldy. Alǵashqy kelgen saılaýshylarǵa syılyqtar úılestirildi.
Saılaýda Aqqum aýyldyq okrýgi ákimine 4 azamat úmitker bolǵan edi. Olardyń barlyǵy ózin-ózi usyný tártibimen úmitker esebinde tirkeldi. Alaıda bireýiniń qujaty talapqa saı kelmeýine baılanysty kandıdattyq tizimnen alyndy.
Aqqum okrýginde 1023 saılaýshy bar.
Al Myrzabaı ahýn aýyldyq okrýginiń ákimine 5 kandıdat úmitker atandy. Olardyń bári ózin-ózi usyný jolymen kandıdat retinde tirkelgen. Alaıda 1-i óz ótinishimen kandıdat bolýdan bas tartsa, 1-i qujatty tolyq usynǵan joq.
Aıta ketsek, Myrzabaı ahýn okrýginde 668 saılaýshy esepte tur.
Eske salsaq, jyl basynan beri Qyzylorda oblysynda 6 aýyldyń ákimi saılandy. Olardyń qatarynda Qazaly aýdanynyń Aqjona, Aryqbalyq, Jalaǵash aýdanynyń Jańadarııa, Syrdarııa aýdanynyń Aqjarma, Jańaqorǵan aýdanynyń Jańaryq, Qarmaqshy aýdanynyń Aqtóbe aýyldyq okrýgteri bar.
Bıyl Prezıdent tapsyrmasyna sáıkes aýdan ákimderi de saılanbaq. Qyzylorda óńirinde turǵyndar 2 aýdan ákimin tikeleı saılaıdy.
