Qyzylorda oblysynda brakonerlerden 1 tonna balyq tárkilendi
NUR-SULTAN. QazAqparat – Qyzylorda oblysynda brakonerlerden 1 tonna balyq tárkilendi, dep habarlaıdy QazAqparat tilshisi.
«2019 jyldyń 25 jeltoqsanynda reıd barysynda Qyzylorda oblysynyń orman sharýashylyǵy jáne janýarlar álemi aýmaqtyq ınspektsııasynyń ınspektorlary qarmaqshy aýdanynyń aýmaǵynda ÝAZ markaly kólikti toqtatyp, onyń ishinde adamdardyń 1 tonna 153 keli balyqtyń zańsyz áketip bara jatqanyn anyqtady», - dep jazady Ekologııa, geologııa jáne tabıǵı resýrstar mınıstrliginiń Orman sharýashylyǵy jáne janýarlar álemi komıtetiniń baspasóz hatshysy Sáken Dildahmet Facebook paraqshasynda.
Tabıǵat qorǵaýshylar brakonerlerdi Qarmaqshy aýdanynyń polıtsııa bólimine jetkizdi.
Qazirgi ýaqytta atalmysh fakt boıynsha QR Qylmystyq kodeksiniń 335-baby 3-bóligi boıynsha sotqa deıingi tergeý amaldary júrgizilip jatyr.
