Qyzylorda oblysynda bos jatqan 63 myń gektar jer anyqtaldy

QYZYLORDA. QazAqparat - Bıyl Qyzylorda oblysynda 63 myń gektar bos jatqan jer anyqtaldy, dep habarlaıdy QazAqparat tilshisi.

Mundaı alqaptar memleket menshigine qaıtarylady. Qazirdiń ózinde paıdalanýsyz jatqan 160 jer ýchaskesine osyndaı jumystar júrgizildi. Olardyń jalpy aýmaǵy 45 myń gektarǵa jýyq. Mundaı is-sharalar jyl sońyna deıin jalǵasady.

Aıta keterligi, óńirde eldi mekenderge jaqyn aýmaqta jaıylymdyq jer tapshy. Mamandar memleket menshigine qaıtarylǵan jerler qaıta aınalymǵa engiziletinin aıtady.

«Bul baǵytta elektrondy tsıfrlyq geoportal júıesi arqyly jumystar júrgiziledi. Nátıjesinde sol boıynsha memleket menshigine qaıtarý júzege asady. Oblysta 5637 sharýa qojalyqqa 2 myń 905 gektardan asa jer ýchaskesi tabystaldy», - dep málim etti oblystyq aýyl sharýashylyǵy jáne jer qatynastary basqarmasynan.

Eske salsaq, bıyl Qyzylordada sý tapshylyǵynan kúrishtiń edáýir bóligine sý jetpeı qalý qaýpi bar.