Qyzylorda oblysynda boranda qalǵan 143 adam qutqaryldy
QYZYLORDA. QazAqparat - Qyzylordalyq qutqarýshylar Qyzylorda men Jezqazǵan aralyǵyndaǵy jolda 143 adam mingen 54 kólikti qar qursaýynan alyp shyqty, dep habarlaıdy QazAqparat tilshisi.
Qyzylorda oblystyq tótenshe jaǵdaılar departamenti jedel kezekshisine 13 aqpan kúni habar kelip tústi. Atalmysh habarlamada Qyzylorda-Jezqazǵan tas jolynyń boıynda jolaýshylar qalyp qoıǵany aıtylǵan. Departament kezekshisiniń habarlaýymen Ońtústik óńirlik aeroutqyr jedel qutqarý jasaǵy oqıǵa ornyna attandy.
«Bul aýmaq aýa raıy nashar boldy. Aýmaq qar qursaýynda qalǵan. Oǵan qosa boran soǵyp turdy. Osylaısha tas joldyń 195-212 shaqyrymy aralyǵynda jolaýshylar qıyn jaǵdaıda qalyp qoıǵan. Qutqarýshylar dereý iske kiristi. Osynyń nátıjesinde jolaýshylar qutqaryldy. Olar Qyzylorda qalasyna jetkizildi. Olardyń arasynda zardap shekkender men úsik shalǵandar kezdesken joq», - dedi Qyzylorda oblystyq tótenshe jaǵdaılar departamentiniń memlekettik til jáne aqparat tobynyń bas mamany Aıgúl Nurmanova.
Avarııalyq qutqarý jumystary barysynda qar qursaýynan 40 jeńil, 10 júk kóligin jáne 4 shaǵyn avtobýsqa mingen 43 jolaýshy qaýipsiz jerge shyǵaryldy.
Buǵan deıin kólik ishinde qysylyp qalǵan qyzylordalyqtyń qutqarylǵany habarlanǵan bolatyn.
