Qyzylorda oblysynda bıyl tótenshe jaǵdaılardyń qutqarý toptaryna 574 ret shaqyrý jasaldy
QYZYLORDA. Qyrkúıektiń 25-i. QazAqparat /Jańagúl Serdaly/ - Ústimizdegi jyly Qyzylorda oblysynda úlken sý tasqyny oryn almaǵanymen, Tótenshe jaǵdaılar departamentine qarasty Ońtústik óńirlik qutqarý, sýdan qutqarý jáne jedel qutqarý bólimshelerine 574 márte shaqyrtý túsip,
jurt ózderin sý basyp qalý qaýpinen qutqarýdy ótingen. Osyǵan baılanysty 149 adam qaýipsiz jerlerge kóshirilgen. Sonymen qatar qys aılarynda qar astynda qalyp qoıǵan 3 avtokólik tartyp shyǵarylǵan. Qyzylordalyq qutqarýshylar esepti kezeńde Almaty jáne Shyǵys Qazaqstan oblystarynda 22 avarııalyq qutqarý jumystaryn júrgizýge qatysty. Osy operatsııalardyń barysynda 46 adam qutqarylyp, 164 adam qaýipsiz jerlerge jetkizildi.
