Qyzylorda oblysynda bıyl eki stýdenttik jataqhana salynady
Qyzylorda oblysy ákimdiginiń jospary boıynsha balabaqshalarda memlekettik tapsyrys shamamen 28 myń orynǵa artady. 12 mektepke deıingi uıymda kúrdeli jóndeý júrgizilmek. Qaýipsizdikti kúsheıtý maqsatynda 116 mektepke deıingi uıymdarda qosymsha beınebaqylaý júıesi ornatylady. Mektepke deıingi tárbıe men oqytýdyń 14 myńǵa jýyq pedagogi biliktilikti arttyrý kýrstarynan ótedi.
«Bıyl bilim salasyna bólingen qarjy 262 mlrd. teńgege jetti. Bul byltyrǵy jylmen salystyrǵanda 17%-ǵa artyq. Tıisinshe óńirde bilim berý uıymdarynyń qurylysy qarqyndy júrgizilýde. Memleket basshysynyń «Jaıly mektep» ulttyq jobasy aıasynda aldaǵy 3 jylda 21 mektep salý josparlanýda. Osylaı oryn tapshylyǵy máselesin túbegeıli sheshýdi josparlap otyrmyz», - dedi Nurlybek Nálibaev.
Oblysta 47 mektep, 300 oryndyq jataqhanasy bar fızıka-matematıka baǵytyndaǵy bilim nysanyn salý jáne 19 orta mektepke kúrdeli jóndeý júrgizý josparlanǵan.
QR Oqý-aǵartý mınıstri Ǵanı Beısembaevtyń aıtýynsha, mundaı keshendi tásil qazaqstandyq bilim berý sapasyn arttyrýǵa yqpal etedi.
«Jyl saıyn oblysta 6 myńǵa jýyq muǵalim biliktilikti arttyrý kýrstarynan, jalpy bilim beretin mektepterdiń basshylyq quramnyń 60-tan astam ókili menedjment baǵyty boıynsha oqýdan ótedi. Osy sharalardyń barlyǵy jańa formattaǵy pedagogter, ıaǵnı bilim berý salasynyń kóshbasshylaryn daıarlaýǵa baǵyttalǵan. Mektepterdiń 18% - y bilim alýshylardyń bilim jetistikteriniń monıtorıngine qatysady, 30 bilim berý uıymy PISA zertteýine qatysady», - dedi Ǵanı Beısembaev.
Basym mindetterdiń biri - ınklıýzıvti bilim berýdi damytý. Oblysta PMPK jelisin keńeıtý, ınklıýzııany qoldaý boıynsha 14 kabınet ashý josparlanýda.
Tegin tehnıkalyq jáne kásiptik bilimmen 100% qamtýdy qamtamasyz etý úshin suranysqa ıe mamandyqtarǵa memlekettik tapsyrysty 15 myńǵa orynǵa ulǵaıtý josparlanýda. Óńirde TjKB-nyń 1500-den astam pedagogi biliktilikti arttyrý kýrstarynan ótedi. 300 oryndyq jataqhanasy bar, bir kolledj jáne 175 oryndyq eki stýdenttik jataqhana salý josparlanýda. QR Oqý-aǵartý mınıstrliginiń pılottyq jobasy aıasynda 10-11 synyptardyń 350 oqýshysy úshin jumysgy mamandyqtar boıynsha bilim berý baǵdarlamalary engiziletin bolady.
Aıta ketý kerek, Jol kartasy óńirdiń bilim berý salasyndaǵy balalardyń shyǵarmashylyq jáne zııatkerlik áleýetin damytýdy, balalardyń qaýipsizdigin, quqyqtaryn qorǵaýdy qamtamasyz etýdi jáne bilim berý uıymdarynda sybaılas jemqorlyqty boldyrmaý máselelerin qamtıdy.
