Qyzylorda oblysynda bıyl 21 jol bóligi paıdalanýǵa beriledi

NUR-SULTAN. QazAqparat - Qyzylorda oblysynda jergilikti jol jelisi boıynsha qolǵa alynǵan 45 jobanyń 21-i jyl sońyna deıin paıdalanýǵa beriledi, dep habarlaıdy QazAqparat QR Indýstrııa jáne ınfraqurylymdyq damý mınıstrliginiń Telegram kanalyna silteme jasap.

Óńirdegi oblystyq jáne aýdandyq mańyzy bar joldardyń uzyndyǵy 2381 shaqyrymdy quraıdy. Búginde normatıvtik jaǵdaıdaǵy avtojoldardyń úlesi – 70%.

Qazir oblysta jóndeý jumystarymen 248 shaqyrym jol qamtylǵan. Atap aıtqanda, Qyzylorda qalasyndaǵy basty kóshe jolynyń «Batys Eýropa-Batys Qytaı» tas jolymen, sondaı-aq aýdandyq mańyzy bar «Samara-Shymkent-Qamystybas-Amanótkel-Jańaqurylys» avtojolymen túıisken jerinde kólik aıyryǵynyń qurylysy júrgizilýde. Budan bólek, aýdandyq mańyzy bar «Áıteke bı – Qazaly» jolyn, «Samara-Shymkent-Ekpindi», «Áıteke bı-Basyqara» jáne «Samara-Shymkent-Eńbek-Eset batyr-Jańadarııa» joldaryndaǵy kópirlerdi, sondaı-aq, Eset batyr eldimekenine kireberisti rekonstrýktsııalaý júrgizilýde.

«Atalǵandarmen qosa, Qyzylorda oblysynda bıyl jergilikti jeliniń 31 avtojol jobasyna ortasha jóndeý jumystary júrgizilýde. Aǵymdaǵy jyldyń sońyna qaraı jol salasynyń mamandary oblystyq jáne aýdandyq mańyzy bar joldardyń normatıvtik jaǵdaıdaǵy úlesin 75%-ǵa deıin jetkizip, qazirgi kórsetkishti 5%-ǵa ulǵaıtýdy kózdep otyr»,-delingen habarlamada.