Qyzylorda oblysynda bıyl 11 adam sýǵa ketti

QYZYLORDA. QazAqparat - Qyzylorda oblysynda jyl basynan beri sý aıdyndarynda 11 adam qaza boldy. Onyń 5-eýi — bala, dep habarlaıdy QazAqparat tilshisi.

Byltyr dál osy kezeńde 18 adam sýǵa ketken, onyń 13-i — bala.

Oblys aýmaǵymen ótetin Syrdarııa ózeniniń uzyndyǵy 1274 shaqyrymdy quraıdy. Munan basqa 19 iri kanal, 220 shaǵyn kanal jáne 207 kól oblys aýmaǵynda ornalasqan jáne 64 qaýipti ýchaske bar.

«Aıta ketý kerek, ujymdar men oqý oryndary jastarynyń jaz aılarynda tabıǵatqa shyǵyp, demalystaryn ózen men kólderdiń jaǵasynda uıymdastyrýy kóp kezdesedi. Osyndaı keıbir demalystar baqytsyz jaǵdaımen aıaqtalyp jatady. Oblysta jyl basynan beri sý aıdyndarynda 11 adam qaza boldy. Onyń 5-eýi — bala, - dedi oblystyq Tótenshe jaǵdaılar departamentiniń basqarma basshysy Ashat Toǵyzbaev.

Oblys aýmaǵynda sýǵa shomylýǵa ruqsat etilgen 2 jaǵajaı jumys isteıdi. Qazirgi tańda aýdandarda 4 kommýnaldyq jaǵajaıdyń qaýlysy ázirlenýde.

Eske salsaq, budan buryn Qyzylordada sýǵa batyp ketken elordalyq jasóspirimniń denesi tabyldy.