Qyzylorda oblysynda birneshe mektep paıdalanýǵa berildi
QYZYLORDA. QazAqparat - Búgin Jańaqorǵan aýdanynyń Máshbek Nálibaev jáne Tómenaryq aýyldarynda jańa mektepter ashyldy, dep habarlady QazAqparat tilshisi oblystyq ákimdikke silteme jasap.
Jańa oqý jyly qarsańynda Aral, Qazaly aýdandarynda 3 jańa mektep boı kóterdiıý
M.Nálibaev aýylyndaǵy mekteptiń ashylýyna Qyzylorda oblysynyń ákimi Qyrymbek Kósherbaev qatysyp, aýyl turǵyndaryn qýanyshtarymen quttyqtady.
- Elbasy Nursultan Ábishuly Nazarbaev óziniń jyl saıynǵy joldaýlarynda bilim salasyna asa kóńil bólip otyratyndyǵyn ózderińiz bilesizder. Oblys kóleminde jyl saıyn jańa mektepter paıdalanýǵa berilýde. Osylaısha apattyq jaǵdaıdaǵy mektepterdi joıýǵa qol jetkizip kelemiz,- dedi oblys ákimi.
Aıta ketý kerek, mektep 2000 jyly asar ádisimen salynyp, onyń qurylysyna aýyl turǵyndary, muǵalimder men oqýshylar atsalysqan. Kezek kúttirmes sharalardy qolǵa alýdyń nátıjesinde 300 oryndyq tıptik jobadaǵy jańa mektep boı kóterdi.
Dál osy kúni, Jańaqorǵan aýdany Tómenaryq aýylynda jańa mektep ashylyp, oǵan oblys ákiminiń orynbasary Rýslan Rústemov qatysty. Bilim uıasy 300 oryndyq jáne osyǵan deıin apattyq jaǵdaıda bolǵan. Aıta ketý kerek, Jańaqorǵan aýdanynyń ózinde bıylǵy jyly osy tárizdes 6 mekteptiń qurylysy júrgizilýde.
Qyzylorda oblysynda úsh aýysymdyq bilim berý júıesi joıylyp, 3 pen 6 jas aralyǵyndaǵy balalar balabaqshamen qamtyldy. Jyl sońyna deıin apatty jaǵdaıdaǵy mektepter sanyn tolyqtaı sheshý josparlanyp otyr.
