Qyzylorda oblysynda birqatar jol bóliginde kólik qozǵalysyna shekteý qoıyldy

QYZYLORDA. QazAqparat - Qyzylorda oblysynda aýa raıynyń qolaısyzdyǵynan «Samara-Shymkent» tas jolynyń birqatar bóliginde kólik qozǵalysyna shekteý qoıyldy, dep habarlaıdy QazAqparat tilshisi.

Oblystyń Aral aýdanymen shektesetin Aqtóbe oblysynyń aýa-raıy kúrt buzylǵan. Onda qatqaq bolýy múmkin.

«Osyǵan baılanysty 9 qańtarda elorda ýaqytymen 23.55-ten bastap respýblıkalyq mańyzy bar «Samara-Shymkent» avtomobıl jolynyń 1240-1357 shaqyrym aralyǵyna dızeldi kólikterdiń qozǵalysyna ýaqytsha shekteý qoıyldy. Ol Aqtóbe oblysynyń shekarasynan Aral aýdanynyń ortalyǵyna deıingi aralyqty qamtıdy», - delingen oblystyq tótenshe jaǵdaılar departamenti taratqan habarlamada.

Eske salsaq, osyndaı aýa raıyna baılanysty atalǵan bólikte 8 qańtar kúni kólik qozǵalysyna shekteý qoıylyp, keıin qaıta ashyldy.