Qyzylorda oblysynda birqatar mektepterge tanymal tulǵalardyń esimderi berildi
QYZYLORDA. QazAqparat - Qyzylorda oblysyndaǵy birqatar bilim berý, mádenıet jáne sport uıymdary jańa ataýǵa ıe bolsa, keıbiri qaıtadan atalatyn boldy, dep habarlaıdy QazAqparat tilshisi.
Búgin baspasózde Qazaqstan Respýblıkasy Úkimetiniń tıisti Qaýlysy jarııalandy. Osyǵan oraı Qyzylorda oblysyndaǵy birqatar bilim berý uıymdary jańa ataýǵa ıe bolady.
Atap aıtqanda, endi Qazaly aýdanyndaǵy №249 mektep-lıtseıi elimizge eńbek sińirgen ınjener-gıdrotehnık Erjigit Bozǵulovtyń, №24 mektep Keńes Odaǵynyń batyry Úrmásh Túktibaevtyń, Jańaqorǵan aýdanyndaǵy №239 mektep dırıjer, Qazaqstannyń halyq ártisi Tólepbergen Ábdirashevtiń, Shıeli aýdanyndaǵy №149 «Qyzyl tý» orta mektebi bilikti ustaz Álıakbar Montaevtyń esimimen atalady.
Sondaı-aq, Syrdarııa aýdanyna qarasty Shirkeıli aýylyndaǵy mádenıet úıi - «Shirkeıli aýyldyq okrýgi ákimi apparatynyń Qaltaı Muhamedjanov atyndaǵy aýyldyq mádenıet úıi», Qyzylorda qalasyndaǵy «Stadıon» kommýnaldyq memlekettik qazynalyq kásiporny - «Ǵ. Muratbaev atyndaǵy stadıon» kommýnaldyq memlkettik qazynalyq kásiporny» bolyp qaıta ataldy.
Ádiljan Úmbet
