Qyzylorda oblysynda birqatar basqarmalarǵa basshylar taǵaıyndaldy
Oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy qyzmetine Ǵabıt Jańabaev taǵaıyndaldy.
Ǵabıt Jumabekuly ekonomıka men qarjy salasynda qyzmet atqarady. Memlekettik qyzmette túrli deńgeıde birneshe basqarmada jaýapty qyzmetterde boldy.
2012-2021 jyldary oblys ákimi apparatynyń qarjy-sharýashylyq bóliminiń meńgerýshisi, oblystyq jumyldyrý daıyndyǵy jáne qarjy basqarmasy basshysynyń orynbasary boldy.
2021 jyldan osy kezge deıin Qyzylorda qalasy ákiminiń áleýmettik salaǵa jaýapty orynbasary qyzmetin atqardy.
Oblystyq qurylys, sáýlet jáne qala qurylysy basqarmasynyń basshysy laýazymyna Erlan Tórálıev keldi.
Erlan Kárimbekuly eńbek jolyn Qyzylorda qalasyndaǵy «Farmatsııa» aktsıonerlik qoǵamynyń ekonomıst-menedjeri bolyp bastaǵan.
Ár jyldary Qyzylorda oblystyq energetıka, qurylys jáne taý-ken sharýashylyǵy basqarmasynyń bas mamany, oblys ákimi apparatynda jaýapty qyzmetter atqarǵan.
Ár jyldary oblystyq qurylys basqarmasy bastyǵynyń orynbasary, osy salaǵa jetekshilik etetin Qyzylorda qalasy ákiminiń orynbasary, Qyzylorda oblysynyń qurylys basqarmasynyń bastyǵy qyzmetterin atqardy.
Ulttyq ekonomıka mınıstrliginiń Qurylys jáne turǵyn úı-kommýnaldyq sharýashylyǵy komıtetiniń sý jáne sý burý basqarmasynyń basshysy, «Memsaraptama» respýblıkalyq memlekettik kásiporny bas dırektorynyń birinshi orynbasary, «Qazaqstan turǵyn úı-kommýnaldyq sharýashylyǵyn jańǵyrtý jáne damytý ortalyǵy» aktsıonerlik qoǵamy tóraǵasynyń orynbasary bolyp jumys istedi.
2020 jyldyń qyrkúıek aıynan bastap osy kezge deıin «Er-Arý» JShS-niń qurylys jónindegi dırektory boldy.
Qyzylorda oblysynyń jolaýshylar kóligi jáne avtomobıl joldary basqarmasynyń basshysy laýazymyna Pakýatdın Shamuratov taǵaıyndaldy.
Memlekettik qyzmette sáýlet, qurylys salalarynda mol tájirıbe jınady.
2017-2020 jyldary Tasbóget kentiniń ákimi bolǵan. Sońǵy jyldary qalalyq qurylys bóliminiń basshysy jáne Jalaǵash aýdany ákiminiń orynbasary qyzmetin atqardy.
Eske salsaq, budan buryn Qyzyorda oblysy ákimi apparatynyń basshysy taǵaıyndaldy.
Sondaı-aq, oblystyq mádenıet jáne sport basqarmasy basshy taǵaıyndaldy.
