Qyzylorda oblysynda bir jylda 20 myńǵa jýyq sábı dúnıege keldi

QYZYLORDA. QazAqparat - Qyzylorda oblysynda byltyrǵy jyldyń 11 aıynda 19699 náreste jaryq dúnıege kelgen. Bul aldyńǵy jyldyń sáıkes kezeńimen salystyrǵanda 11,4 paıyzǵa artyq, dep habarlaıdy QazAqparat tilshisi.

Qyzylorda oblysynda 813,2 myń adam turady. Olardyń arasynda qalada 364,1 myń, aýylda 449,1 myń adam ómir súredi.

Ótken jyldyń 11 aıynda óńirge 22 myń 884 adam kóship kelse, ózge aımaqqa 27 myń 271 turǵyn qonys aýdarǵan. Alys jáne jaqyn shet elderden 41 adam Qyzylordaǵa qonys aýdarǵan. Al ózge oblystardan 6 myń 477 adam oblysqa kóship keldi. Oblystyń 16 myńnan astam turǵyny oblys ishinde turǵylyqty ornyn aýystyrdy.

«Byltyrǵy jyldyń 11 aıynda 19 myń 699 sábı dúnıege kelgen. Ol aldyńǵy jylmen salystyrǵanda 11,4 paıyzǵa ósken. Týýdyń jalpy koeffıtsıenti 1000 adamǵa 26,61 balany qurady.Oblysta 5 myń 273 jup nekelesken. Onyń ishinde Qazaly aýdanynda 516 jup shańyraq kóterip, aýdandar arasynda kósh bastap tur», - dedi oblystyq statıstıka departamenti.