Qyzylorda oblysynda bir jasar sábıden koronavırýs anyqtaldy
Sońǵy táýlikte Qyzylorda oblysynda sımptomdy koronavırýs 7 adamnan anyqtaldy. Olardyń 2-eýi Qyzylorda qalasynyń turǵyny bolsa, 1-i Jańaqorǵan, 4-eýi Syrdarııa aýdandarynda turady. Naýqastardyń eń úlkeni 73 jasta, kishisi – 1 jasar sábı.
«3 naýqastan PTR-analızi epıdemıologııalyq kórsetkishter boıynsha aýrý juqtyrǵan adamdarmen qarym-qatynasta bolýyna baılanysty alyndy. Al 1 adam aýrýhanaǵa jatý aldyndaǵy epıdbaqylaý maqsatynda tekserilgen. Sondaı-aq, 3 analız provızorlyq statsıonarǵa jatqyzylǵan adamdardan epıdemıologııalyq kórsetkishter boıynsha júrgizildi. Zertteý qorytyndysymen naýqastardyń aǵzasynan koronavırýs ınfektsııasy anyqtaldy. Qazir patsıentter aýrýhanaǵa oqshaýlandyrylyp, hattamaǵa sáıkes em qabyldap jatyr. Aýrý oshaqtarynda mamandar indetke qarsy is-sharalar uıymdastyryp, qarym-qatynasta bolǵandar anyqtalýda», - dep málim etti Qyzylorda oblysynyń Taýarlar men kórsetiletin qyzmetterdiń sapasy men qaýipsizdigin baqylaý departamentinen.
Qazir Qyzylorda oblysynda koronavırýs ınfektsııasymen jalpy 514 adam tirkelgen.
Búginnen bastap Qyzylorda oblysynda karantınge baılanysty jańa shekteýler engizildi.