Qyzylorda oblysynda bir úıdiń 8 kelini bir mezette daýys berdi

QYZYLORDA. QazAqparat - Qyzylorda oblysy Shıeli aýdanynda turatyn Seıtjanovtar áýletiniń 8 kelini bir mezette saılaý ýchaskesinde daýys berdi, dep habarlaıdy QazAqparat tilshisi.

Shıeli aýdany Aqtoǵan aýylynda turatyn Seıitjanovtar áýletini saıası mańyzdy sharaǵa belsendilik tanytty. Atalǵan otbasyndaǵy barlyq saılaýshy alǵashqylardyń qatarynda óz tańdaýyn jasady.

Olardyń qatarynda atalǵan áýlettiń 8 kelini bar. Olar bir mezette saılaý ýchaskesinde daýys berdi.

«Búgin - el bolashaǵy úshin mańyzdy kún. Saıası sharaǵa belsendi túrde qatysýǵa sheshim qabyldadyq. Óz tańdaýymyzdy jasadyq», - deıdi olar.

Saıası naýqanda erekshe belsendilik tanytqan áýletke syılyq berildi.

Aıta keteıik, óńirde 373 saılaý ýchaskesinde tirkelgen 482 934 saılaýshy bar.

Eske salsaq, budan buryn Qyzylorda oblysynda 101 jastaǵy ardager tańdaýyn jasady.