Qyzylorda oblysynda bir otbasy múshesi ysty gazǵa ýlanyp qaldy
QYZYLORDA. QazAqparat - Qyzylorda oblysynda bir otbasynyń 4 adamy tútinge ýlanyp, aýrýhanaǵa tústi, dep habarlaıdy QazAqparat tilshisi.
Oqıǵa búgin, 23 jeltoqsanda saǵat 03.56-da boldy. Jańaqorǵan aýdanynyń Ekpindi aýylynda turatyn otbasy músheleri peshtiń aqaýynan taraǵan kómirqyshqyl gazyna ýlanǵan.
«Olardyń úsheýi – eresek adam bolsa, bireýi – bala. Oqıǵa ornyna qutqarýshylarmen birge jedel járdem brıgadasy da keldi. Ýlanǵan adamdar aýdandyq aýrýhanaǵa jetkizildi», - dep málim etti Qyzylorda oblysy Tótenshe jaǵdaılar departamentiniń Órt sóndirý jáne avarııalyq qutqarý jumystary qyzmetinen.
Budan buryn Qyzylordada bir otbasynyń 7 adamy ýlanyp qalǵanyn jazǵan edik.
