Qyzylorda oblysynda bir kúnde 21 sheteldik avtokólik zańdastyryldy

QYZYLORDA. QazAqparat - 23 qańtarda elde sheteldik avtokólikterdi zańdastyrý naýqany bastaldy. Búgin saǵat 19:00-degi aqparatqa sáıkes aldyn ala málimet boıynsha 21 adam tıisti qujattaryn aldy, dep habarlaıdy QazAqparat.

Qujattary tolyq azamattar memlekettik nómirlik belgilerin alyp, óz kólikterin sátti zańdastyrýda.

Azamattarǵa HQO-larda mamandar kómektesip jatyr.

Munda keńes alyp, bazalar boıynsha qujattardy tekserýge múmkindik bar.

Árbir ótinim jeke qaralady. Qosymsha suraqtar týyndaǵan avtokólik ıelerine qajetti usynystar beriledi.

Esterińizge sala keteıik, zańdastyrýǵa ótinimdi e-gov.kz elektrondy úkimet portaly, ekinshi deńgeıli bankterdiń qosymshalary, halyqqa qyzmet kórsetý ortalyqtary arqyly berýge bolady.

Ereje boıynsha avtokólik Qazaqstanǵa 2022 jyldyń 1 qyrkúıegine deıin ákelingen jáne qylmystyq esepte bolmaýy tıis, sondaı-aq basqa memlekette burynǵy tirkelgen jeri boıynsha esepten shyǵarylýy qajet.

Sondaı-aq Eýrazııalyq ekonomıkalyq odaqqa kirmeıtin elderden ákelingen avtokólik kedendik tazartýdan ótýi tıis.

Eger avtokólik zańdastyrýǵa jatatyn bolsa, onda alǵashqy tirkeý úshin memlekettik alymdy, memlekettik nómirge tólem men tehpasport úshin memlekettik BAJ tóleý qajet.

Zańdastyrý 2023 jyldyń 1 shildesine deıin jalǵasady.