Qyzylorda oblysynda bir kúnde 19 toı-tomalaq ótken
Bıylǵy 5 shildeden bastap búgingi kúnge deıin óńirdegi 24 monıtorıngilik top reıdtik tekserispen 3226 nysanǵa barǵan. Nátıjesinde karantın talaptaryn buzýdyń 804 jaǵdaıy anyqtaldy. Onyń ishinde halyqqa qyzmet kórsetý nysandaryndaǵy buzýshylyq sany – 383, úı jaǵdaılarynda uıymdastyrylǵan merekelik-kópshilik is-sharalar sany – 403 jáne kóshedegi toptyq jınalýlar sany – 18.
Anyqtalǵan barlyq fakti boıynsha QR ÁQBtK-niń 425-baby 1-bóligimen jalpy somasy 37 391 880 teńgege ákimshilik aıyppul salyndy.
Karantın talaptaryn buzýshylyqtyń basym bóligi úı jaǵdaıynda kópshilik jıyn uıymdastyrýǵa qatysty jáne qoǵamdyq tamaqtaný oryndary, azyq-túlik saýda oryndaryna qatysty anyqtalǵan. Onyń ishinde jeke kásipkerlikke qatysty – 14, nysandarǵa qatysy bar jeke tulǵalarǵa – 369, al nysandarmen baılanysty emes jeke tulǵalarǵa qatysty 421 ákimshilik hattama toltyryldy.
Halyqqa qyzmet kórsetý oryndaryndaǵy karantın talaptaryn buzýshylyqtyń basym bóligi sanıtarııalyq talaptardyń saqtalmaýyna qatysty anyqtalǵan. ıAǵnı qyzmetkerler maskasyz, qorǵanysh qolǵaptarynsyz halyqqa qyzmet kórsetken, sonymen qatar shekti ýaqyttan asyryp jumysyn jalǵastyrǵan nysandar da bar.
Atap aıtqanda, 278 derek maska taǵý erejesin buzýǵa jáne áleýmettik araqashyqtyqty saqtamaýǵa qatysty, jumys jasaý ýaqytynyń shektelýin buzý boıynsha – 60, tyıym salynǵan nysandardyń qyzmet kórsetýi boıynsha – 31, zalalsyzdandyrý talaptarynyń saqtalmaýy boıynsha– 14 talap buzýshylyq oryn aldy», - delingen COVID-19 taralýyna jol bermeý jónindegi vedomstvoaralyq komıssııa aqparatynda.
Aıta keteıik, tek sońǵy táýlikte oblys boıynsha karantın talaptaryn buzýdyń 19 jaǵdaıy tirkeldi. Onyń ishinde 2 derek meıramhanalarda, 17 derek jeke turǵyn úıde toı jasaǵan jeke tulǵalarǵa qatysty anyqtaldy. Nátıjesinde 19 jeke tulǵaǵa 791 730 teńge ákimshilik aıyppul salyndy.