Qyzylorda oblysynda bilim bóliminiń basshylary vaktsına saldyrdy
Buǵan deıin oblystyq bilim basqarmasynyń basshysy Aqzıra Qasymova, qalalyq bilim bóliminiń basshysy Dınara Baımurzaeva qaterli indetke qarsy ekpe qabyldaǵan bolatyn.
Endi olardyń qataryna Aral jáne Qazaly aýdandyq bilim bóliminiń basshylary Sanıra Jannazarova Ádilhan Jólekeshov qosyldy. Bólim basshylary vaktsınadan keıin densaýlyq jaǵdaıy jóninde aıtty.
«Qazalyda aýdanynda alǵashqy kezektiler qatarynda «Spýtnık V» vaktsınasyn qabyldadym. Bizder úshin otbasymyzdyń, oqýshylar men ata-analardyń, barsha pedagogtardyń saýlyǵy mańyzdy. Bul indetti birlese otyryp eńseretinimizge senimdimin. Vaktsınadan soń eshbir aýyrsyný sezinbedim, jaǵdaıym jaqsy, birqalypty»,- dedi Ádilhan Jólekeshov.
«Men Aral aýdanynda «Spýtnık V» vaktsınasynyń alǵashqy komponentin áriptesterimmen, mektep basshylarymen, oqýshylarmen turaqty jumys júrgizetindikten ózimdi de ózgelerdi de saqtaý maqsatynda ekpe saldyrdym. Keri áseri baıqalmady. Qazir qalypty jaǵdaıdamyn», - dedi Sanıra Jannazarova.
Eske salsaq, Qyzylorda oblysynda koronavırýsqa qarsy preparattar baǵasy 27% arzandady.