Qyzylorda oblysynda Bıler keńesi quryldy
Qyzylorda oblysy sotynyń tóraǵasy Qambar Nuryshev Bıler keńesi - ulttyń ıgiligi» degen taqyrypta dóńgelek ústel ótkizdi. Sharaǵa sýdıalar, otstavkadaǵy sýdıalar máslıhat, prokýratýra, polıtsııa, ishki saıasat basqarmasynyń, Nur Otan partııasynyń, «Qoǵamdyq kelisim», ardagerler keńesiniń, «Rýhanı jańǵyrý» ortalyǵynyń, memlekettik mekemelerdiń, oqý oryndary men medıatorlardyń ókilderi qatysty.
Qambar Nuryshev Bıler keńesiniń qyzmeti qoǵamdaǵy janjaldy, azamattar arasyndaǵy daýdy sotqa deıin jetkizbesten sheshetinin atap ótti.
Spıkerdiń pikirinshe, bıler sotynyń sara joly, bedeli men mártebesi qazirgi ýaqytta da qajet bolýy múmkin. Bılerdiń danalyǵy men tájiıbeleri týraly aıta kele, Qambar Nuryshev óńirde úlken ómirlik tájirıbeleri mol qurmetti jáne bilimdi ardagerler jeterlik ekenin atap ótti, olar janjaldasqan taraptardy sotqa deıin jetkizbeı sheshe alady.
Oblystyq sottyń sýdıasy Nurlybek Qosanov, oblystyq máslıhattyń hatshysy Naýryzbaı Baıqadamov, otstavkadaǵy sýdıa Moldabek Ahmetov, Bıler keńesiniń tóraǵasy, otstavkadaǵy sýdıa Zeınolla Nurseıitov Bıler keńesiniń róli men jumystary, janjaldy sheshý kezinde tatýlasý rásimderin qoldanýdyń mańyzdylyǵy týraly aıtyp ótti. Bul rette, M.Ahmetov bıler sotynyń jumys tájirıbesin qazirgi medıatsııa ınstıtýtymen salystyrsa, al N.Qosanov, tatýlasý rásimderiniń erekshelikterin ataı otyryp, medıatsııanyń qoǵamda janjaldy azaıtýǵa, ózara syılastyq pen qarym-qatynas mádenıetine tárbıeleýge baǵyttalǵanyna nazar aýdartty.
Іs-sharany qoryta kele, Q.Nuryshev qatysýshylardy Bıler keńesiniń erejelerimen, negizgi maqsattarymen, mindetterimen jáne quramymen tanystyrdy.
Bul rette onyń mindeti daýlardy sottan tys retteýdi tanymal etý, qoǵamda turaqtylyqty saqtaý, atalardan qalǵan qundy tájirıbege negizdele otyryp, janjaldy beıbit jolmen sheshýde qoǵamdyq sanany jańartý ekenin atap ótti.
Keńes quramynda ardagerler keńesiniń ókilderi, ıntelegentsııalar, otstavkadaǵy sýdıalar men ádilet, qarjy, atqarýshylyq organdarynyń ókilderi, qoǵamdyq qaıratkerler bar
«Kezdesýdiń» qatysýshylary Ereje boıynsha jáne Bıler keńesiniń jumystary boıynsha óz pikirlerimen bólisti.