Qyzylorda oblysynda bılıardtan UOS ardagerin eske alýǵa arnalǵan týrnır ótti
QYZYLORDA. QazAqparat - Shıeli ardagerleri arasynda bılıardtan Uly Otan soǵysy jáne eńbek ardageri Ábilqasym Palymbetovti eske alýǵa arnalǵan saıys ótti, dep habarlady QazAqparat tilshisi Shıeli aýdandyq ákimdigine silteme jasap.
Tastaıaq oıynyna 20-dan astam ardager qatysty. Ashylý saltanatynda aýdan ákiminiń orynbasary Almasbek Esmahanov eli qadir tutqan Ábilqasym Palymbetovtiń ómir jolyn áńgime arqaýyna aınaldyryp, qatysýshylarǵa sáttilik tiledi. Jarys qorytyndysy boıynsha І oryndy Sultan Saǵyndyqov alsa, ІІ oryn Serikbaı Berimbetke buıyrdy. Al ІІІ oryndy Serik Jańabaev oljalady.
